لمروك ومول لفلوس

90% من لمروك مقتول

والبقية مالين لفلوس

اصل الثروة مصدر مجهول

اولا فاسي كابر فسوس

وصف الطغيان فبلادي يطول

كبرت الاضغان وحقدات نفوس

شيخهم فالبار مسطول

والصحيح فينا عيان;صدرو مسيوس

سمعنا في الاساطير على الغول

اولا تنين بجوج ريوس

او مسمعناش بموروكو مول

مارضيناش بالعرى وكثرت البوس

تفرض علينا قنون منزول

قلنا امين او حنينا ريوس

موروكو مول واش مغريبي

اولا استثمار تاع الجيران

انا مروكي او خاوي جيبي

او كنشوف سميتي فدوك لحيطان

نكدب عقلي ونصدقك احبيبي

او تقولي كلنا فخدمة الوطن

بغيتي نصدقك عطيني نصيبي

او نقصو علينا فالاثمان

او يرجع كلشي مغريبي

مشي شي مروك او شي ميريكان

ونشوفك ياوجوه الفساد كتغيبي

يرخاص العقار او يكبرو طرقان

ونشوف بوليسي ينبهني لعيبي

بالابتسامة وكلمات حنان

ونشوف مدارس تخرج طلاب

تلقى الخدمة بلا تمحان

ونشوف سبيطارات بلا رشوة

ومريض مايجيب خيط ولا كتان

ديك الساعة نحس بالنشوة

وتكون بلادي زينت البلدان