قالوا للشعب صوت


قالوا للشعب اختار 
مخيبش النداء و لا فوت 
خرج للزنقة حفيان و جيعان
و بأحر الصوت غوت
يحيى الملك عاش الوطن
و الجو السياسي ملوث
هز الورقة فكثرت الالوان
بان لو الضوء قال نصوت
من وسط الحملة بان إلي بان
و اصبح الحيك في الشعور منبث
حكومة يترأسها بن كيران
و الزين في الاحزاب صبح يتسلت
شد اليسار من بعد يمان
حرث المحراث سبول لحمام
الحمامة جاعت و السبولة ذبلت
و المحراث زايد للقدام
و رويدوا كدك كل ما يحرث
قزديرا و سايقها بعرور
و كلاب الدوار وراها غرارة
شعلت اللامبة و بان النور
و تفرشات قصعت الوزارة
هالي في دروب لحديد كيدور
و فلوس الشعب في أفخم سيارة
هالي جا للمالية من اللور
و سينا شيكات و عمر الشكارة
و إلي غزال في شبابو مبشور
وسط الديوان شد الاستشارة
و إلي فحالي و فحالك محكور
يفكر في الزواج و يصلي الاستخار
يا الغالي يا الشعب المقهور
قساح ظهرك من سبابط الحكارة

Aucun commentaire: