الحُكَرَة

شْفتْ العالم من أول نضرة
حَسِيتُو عالم ملغوم 
يْكتْرُو جْنَاوَا مْلِي طِيحْ لبقرة
ِو يْرُوجْ فِيه ريح مسموم
ناس ترتقي بكترت الهدرة
أُو ناس كتموت بالصمت المعلوم
عالم يناضل لخاطر المْرَة
أُو عالم بالكورة مهموم
عالم كيسطّر فالغبرة
أُو عالم كَيْنتجْ فْالألبوم
لْفلوسْ فْالعالم مْنتَاشْرة
أُو لْفقر فْالعالم مرسوم
شْفتْ صورة أو حسيت بْلحُكْرَة
شْفتْ أطفال في تراب جوع كتعوم
شْفتْ أطفال لْقَارَّة السَّمرة
مَابِينْ لْحرُوبْ أُو الجُّوعْ كَتْحُوم
أُو لْعربي مكبّْر الجّرة
من موائد الزْرُود متخوم
كبسة برُّوز أو لْهَبرة
لجُوجْ مْنَاطْحْ من روم
سْدِّيتْ لْكتَابْ أُو جْمَعْت فْمَرَّة
أُو فْتَحت كْتاب لْعلُوم 
لْقِيت بْلِّي أَصْل الدَّاءْ بْدرَة 
كُل مْن تْرَكْهَا عاش مْدمُوم
يا داعي من صَهْد لْقَهْرَة
رْفَعْ يْدّك أُو عَلِّي صُوت
لْقَابْض في الدِّين كِي لْقَابْض على جَمْرَة
يْفرَح بِه قَبرُو لْمَّا يْمُوت
من جروح الدنيا ماتبرا
علي لوقار أُو سلم للخوت
أولا تلقي على لعالم نضرة
بْسَال الطَّرْح أُو فَات لْفُوت